Աշխարհաքաղաքական փոփոխվող իրողությունների, մարդասիրությանն ուղղված բյուջեների կրճատման և գլոբալ կարիքների աճի պայմաններում կազմակերպություններից պահանջվում է լինել ավելի ճկուն, քան երբևէ: Արդյունավետության, հաշվետվողականության և նորարարության հարցերն այժմ կենտրոնական տեղ են զբաղեցնում այն բանավեճերում, թե ինչպես է կազմակերպվում և իրականացվում մարդասիրական աշխատանքը: Համաժողովը հարթակ տրամադրեց երկխոսության, քննադատական վերլուծության և հավաքական ուսուցման համար՝ այն մասին, թե ինչպես ոլորտը կարող է վերագործարկվել՝ միևնույն ժամանակ հավատարիմ մնալով մարդասիրական սկզբունքներին:
Համաժողովի շրջանակներում անց կացվեցին պանելային քննարկումներ՝ միջազգային տարբեր մարդասիրական կազմակերպությունների փորձագետների մասնակցությամբ: Բանախոսների թվում էին Հանս Դասը (DG ECHO-ի փոխտնօրեն), Մերվատ Շելբայան (IASC քարտուղարության ղեկավար), Ռեշմա Ադատիան (ICVA-ի ներգրավվածության մասով տնօրեն), Պատրիկ Վինկը (Հարվարդի մարդասիրական նախաձեռնության և KoBoToolbox-ի հետազոտական գծով տնօրեն), Ռորի Քրյուն (CaLP-ի տվյալների և թվայնացման հարցերով տեխնիկական խորհրդատու), Դաննա Ինգլթոնը (HURIDOCS-ի գործադիր տնօրեն), Տրիստան Ֆերարոն (ԿԽՄԿ ավագ իրավական խորհրդատու), Քրիստոֆեր Ղայաթ Ալմաջդուբը (Փախստականների հարցերով էստոնական խորհրդի (ՓՀԷԽ) կանխիկ օգնության գծով խորհրդատու) և Հանի Ալմադհունը (Gaza Soup Kitchen-ի տնօրեն):
Քննարկումները վարում էին Էերո Յանսոնը (Փախստականների հարցերով էստոնական խորհրդի (ՓՀԷԽ) տնօրեն), Տոբիաս Կոխը (CGI-ի խորհրդատվական գծով առաջատար փորձագետ) և Մայքլ Ռիպլը (իրավաբան և Մարդու իրավունքների պաշտպանության եվրոպական ակադեմիայի ավագ հետազոտող):
Տալլինի մարդասիրական համաժողովն անցկացվում է Էստոնիայի միջազգային զարգացման կենտրոնի (ESTDEV) աջակցությամբ:
Featured topics
